SERMON - BEISEINA NUNG
BEISEINA NUNG
Kan Lalpa Isua Krista Pathian leh Pa chu fakin awm rawh se. Ani chuan a khawngaihna nasa tak ang zelin, mitthi zing ata Isua Krista thawhlehna avangin beiseina nung hmu turin min hring leh a, rochan chhe thei lo, bawlhhlawh kai lo, chuai thei lo, vana in tana khek chu hmuhna turin; chhandamna, hun hnuhnunga lang tura peih sa chu hmu turin, rinna avangin Pathian thiltihtheihnaa ven chu in ni (1 Pet 1:3-5).
1. Kan tunlai khawvel thlir chuan beidawnna tur a va tam tak em ti rawh u!!!
Politics boruak thlir ila beisei tur a vang a ni.
Ei bar zawnna kawngah ni se kum engzat nge sawhthing kan chin thlawn tawh. Eng dang nge beisei tur awm chuang? Lo neih min sawi chhiatsak a, mahse a thlakna tur kan hre bawk si lo.
Chhungkuaah ni se kan fate nun danah hian kan lung a awi hlei thei lo va; mahse tih ngaihna tak tak kan hre chuang mang si lo.
Khawtlang tana kan thawhna kawngah ni se...
Rawngbawlna zawnah ni se... Camping, mi hlate hnuh hnaih, Kristian Chhungkua, Pavalai etc.
Inelna khawvelah ni se hlawhtlin ngaihna a vang em em tawh mai a. Zir chhuakte lahin hna hmu thei hek suh!
Natna chungchangah ni se hman atang tawhna natna pai reng nei kan ni fer fur a.
2. Chutiang khawvelah chuan kan cheng mek a ni a. Beidawng nih duh chiah si lo; beisei nei tak tak chuang si lo vin kan awm a, rawng kan bawl a. Hei bak hi kal ngaihna kan hre ta mang reng reng lova.
3. Chu beiseina neih hleih theih tawh lohna hmun atang chuan engmah kan ang thei tak tak chuang si lova. Tih pawha awm zia nei vak chuang si lo; tih loh dawna inthiam chiah si lo ang vel hian kan tang laklawh a ni ber mai ti rawh u.
4. Mahse, unaute u, i inenfiah teh ang u.
a) Heng kan tih tawh leh kan tih mekte hi kan beisei ang takin a hlawkna leh a hlawhtlinna kan hmu lo a ni mai thei e. Mahse, heng kan tih hram hram avang chauh hian tun dinhmun hi luah thei kan ni a sin.
b) Tuna kan tih mek pawh hi ti lo ni phei i la chu kan chiat tawh tur zia mai chu a ngaihtuah ngamawm loh zawk hial a ni.
5. Beiseina Nung hmu tura hrin kan ni a sin.
a) Chi chhe thei lo laka piang kan ni:
Chi chhe thei laka hrin kan ni lova chi chhe thei lo, he khawvel thil hmanga hrin kan ni lova, Pathian Thlarau Thianghlim zara chi chhe thei lova hrin kan ni. Chuvangin kan beiseina pawh hi he khawvel thil leh khawvel ngaihtuahna avang ringawta tichhe tur chu kan ni hauh lo a sin.
b) Tholeh Isua Krista ringtute kan ni:
Mihringte tana engkim tawpna leh beisei tur reng reng awm tawh lohna chu thihna hi a ni. Mahse chu thihna meuh pawh chu Lal Isuan min hnehsak a sin. Thihna meuh pawh hneh theitu hian kan duh leh kan beisei chu, pek tlak kan nih phawt chuan a hlawhtlinna min pe ngei ngei ang tih kan ring tlat tur a ni.
c) He khawvel piah lam beiseina kan nei a ni:
He khawvel damchhung atan chauhva beiseina nei leh thawk ni ila chuan kan bei a lo dawng ta a nih pawhin a mawh love. Mahse kan thih hnuah hian Thlarau khawvel kan la beisei tlat avangin he beiseina leh beidawnna hi a inrem thei reng reng lo a ni.
6. Chuvangin zanin atang hian beiseina nungin kan rawngbawlna theuh i thawk thar leh ang u hmiang.
a) Lal Isua chauh rinchhana, amah chauh beiseiin kan inchhung enkawl ila. Kan ei leh bar zawnna te, kan chhungkaw in-sawrkarna zawng zawngte pawh a thu hnuaiah tulut vek phal ila. Amahah chauh kan beiseina nghat tlain bul i tan leh teh ang u.
b) Kan fate damna tur atan pawh Lal Isua atanga beiseina nung nen rilru thar puin bei leh ila.
c) Khawtlang siamthat a nihna tur pawhin Lal Isuaah chauh beiseina nghat ila.
d) Ram roreltu thlanna pawh hi Lalpa duhzawng tawngtaina nen, amah chauh beiseiin hmuak ila.
e) Kan rawngbawlnaah pawh kan beiseina chu Lal Isuaah chauh ni se. kan tlem pawhin La Isua nen ni ila; kan thathnem deuh pawhin amah nen ni se.
- Kohhran enkawlnaah
- Kohhran thlarau lam nunah
- Kristian chhungkaw rawngbawlnaah
- Mi hlate hnuh hnaih kawngah
- Pavalai rawngbawlnaah
f) Setana a beidawn hma loh chuan beidawng tur kan ni em ni?
g) Beiseina thar, beiseina nung nena rawngbawl turin i inbuatsaih theuh ang u.
Comments
Post a Comment