IT'S MY LIFE

“It’s my life”

Thalaite zinga tawngkauchheh (SLogan) lar em em mai chu, "It's my life" tih hi a ni. He tawngkam hi kum 1984 khan British Music Band  "Talk Talk" hla thupuiah an lo hmang tawh a. Kum 2000 kum khan Jon Bon Jovi hla thupuiah rawn hmang ve lehin, he hla hian mimal zalenna leh hauisen taka mahni duh dana nun mai rawn sawi mawi nan a hmang a. Khawvela tawngkauchheh (slogan) lar berte zinga mi a ni zui ta a. He tawngtauchheh hi Hip hop culture-in ta neih zui nghalin, New York khawpuia Bronx vela Black leh Latin thalaiho chep lutuk nia inhriaten an zalen a, a ti thei a ni tih lantir an duhna rilru atanga lo puak chhuak ta niin a lang. He movement hian an chenna khawpui New York mai ni lovin khawvel a tuam a. Keini Zoram thalaite pawhin kekawr pawt sawi tlen tlawnin “It’s my life” kan lo ti teng ve chhak zel ta mai chu a nih hi.

A that tawk lohna lam I thlir hmasa ang aw:

It’s my life tih chuan thununna ngaih theih lohna a keng tel tlat a. Mizo khawtlang nun-a aia upate zah thiam te, Nu leh pa thuawihna te, zirtitu pawisak na te kha hnawk a ti tan tlat. “Ka nun a lawm”, “A chaw no khat pawh ka ei lo” tiin “Right” a sawi lian a, aia upa zahna a hnual suat a, thununna pal zut phet a tum a. Mahse, mawhphurhna (Responsibility) erawh a hmu lo der lui tlat lawi si. A bul thum atang kan chhui chuan chapona atanga lo irh chhuak, midang engah mah ngaih lohna leh mahni indah len berna, mihring chhunga kan sual paizia lo lang chhuak chi khat chu a ni khawpin kei chuan ka hria. He “It’s my life” tawngkam hian khawtlang leh chhungkhat, kohhran leh pawlhova kan inhuhona nun a pal peh a, a huang zauhsak phet a tum a, kan mizona nen an lo inmil their eng reng si lova, a nek keh lek lek fo ta mai.

Tin, kawng dang leha kan thlir chuan, he tawngkam hi ram dang atanga lo chhuak a nih angin hnamdang ngaihsanna tha lo leh an tih dan zir duhna tha lo lamah min kai her a. Chu tak chu “It’s my life” slogan chuan a thurualpui chak tak mai a lo ni a. Kan tem chak leh kan duh zawng apiang heng company hrang hrang slogan hmang hian khawvel chuan min lem kual a. “Life's Good” (LG) tiin min awhfik/awhsan te te a, “Impossible is Nothing” (Adidas) min tih sakin “It's everywhere you want to be” (Visa) tiin chu khawvel chu mi hrilhfiah sak a, “Live in your world, play in ours” (PlayStation (Sony)), tiin min um zui a, “Reach out and touch someone” (AT&T) tiin min fuihpawrh a, “Just do it”, tiin min tur sek a, “Because you’re worth it” (L'Oréal) tiin min bawl a, nuam awm deuh hian, “The Real Thing” (Coca-Cola), tiin, “Plop, plop; fizz, fizz; oh, what a relief it is” (Alka-Seltzer), a’n ti vel a. “When it absolutely, positively has to be there overnight”(FedEx), tiin min chelh bet tlat a. Mahse “Once you pop, you can't stop” (Pringles) tiin chhuah a phal tawh si lo. Mahse chu nun ngei chu “It’s my life” nun kha a nia. Mahse kum 10 a ral leh hnuah hian “I popped and couldn’t stop, ten I’m like this” tiin meihawl bag bulah hian kan thu kun reng ang tih a hlauhawm khawp mai. Kan “It’s my life” theuh hi i veng ngun ang aw. Chuti lo chu mi ten “It’s your life” min tihsak hunah kan zahpui leh tur “It’s my life” hi kan lo uanpui ang tih a hlauhawm khawp mai.

A tha zawng ve thungin aw:

He “It’s my life” hi a tha zawnga chhawr dan a awmin ka hre tlat. Mihringte hi inang tlang vekin, tumah thlei bik nei lovin nunna pakhat theuh pek kan ni a, chu chu kan “It’s my life” theuh hi a ni. Chu kan thilpek dawn theuh chu kan vawng a; a hmang thiam deuhvin khawvelah an nawmsakpui a, a hmang thiam lo deuhvin an retheihpui deuh mai a. A dimdawi thiam deuhvin an hrisel pui a; a hmang thiam lo deuhvin an hrisel lohpui bawk a; a then chu a hun hmaa thihpui hial pawh an awm ta ve ang. A then chuan an vawng uluk deuhva, thianghlim taka nungin a petu lawm zawng tih nan an hman lain; a then chuan a petu duh loh zawng ngar ngar an tihpui thung emaw tih mai tur kan ni a. Chu life-ah chuan taksa, rilru, mizia leh nungchang-te a tel vek a, rilru hmang thiam deuhvin din chhuah nan an hmang a, a then chu, ding chhuak, awhawm chuang miah lo nih nana hmang tate pawh an awm a. An nungchang chu an nun a ni tih hre rana nungte chuan vantlang leh thenawm khawveng, kohhran thlenga fak an hlawh phah laiin mi dang pawisa reng reng lova nung, chapo takte chuan mi dangin engah mah an ngai bik lo tih hre miah lovin an chapo ve em em a. “It’s my life” tia an aupui lar lar chu thil dang vak ni lovin, minung zawng zawngin kan neih theuh, chhuan tur bik awm miah lo mai a lo ni si. A thente chuan mi zawng zanwg chungah thu ka nei emaw tiin an nun ni lo pui, mi dang nun thlengin control an va tum a, midangin “It’s my life” an lo tih si avangin a buai ta thin a ni.

He kan nun hi Pathianin a duh taka a siam, min kawltir rih, tul a tih huna a tihtawp mai tur a ni. A nihna takah chuan “It’s my life” kan tih pang pang hi kan duh vang ni lovin; kan thu tel miah lovin a tawp hun a la awm dawn chiang khawp mai. Chutia thihna kotlang kan dah(dak) hunah meuh chuan ka ta a ni lo tih chu kan chiang tawh khawp ang le. Mahse, chutih hunah chuan siam that ngaihna a awm tawh hauh lo vang. Siamtun kan nun kan nunpui dan hi min tehna a nih dawn avangin he khawvela a duh zawnga nungte chuan chatuan lawmna an chang tawh ang. Chutih hunah chuan intipa taka “It’s my life” tihin awmzia a nei tawh lo vanga. Pa taka hremhmuna “It’s my life” thlak vau vau kha a ropui lai ber chu a ni tawh mai ang.

Zirlaite kan nih angin kan nun hi “It’s my life” chuanawm, “It’s my life” hlawhtling leh “It’s my life” entawn tlak. Mizo “It’s my life” dik tak pho chhuak zawngin i nunpui theuh teh ang u hmiang.

Comments

Post a Comment

Popular posts from this blog

SERMON - BEISEINA NUNG

BEISEINA NUNG Kan Lalpa Isua Krista Pathian leh Pa chu fakin awm rawh se. Ani chuan a khawngaihna nasa tak ang zelin, mitthi zing ata Isua Krista thawhlehna avangin beiseina nung hmu turin min hring leh a, rochan chhe thei lo, bawlhhlawh kai lo, chuai thei lo, vana in tana khek chu hmuhna turin; chhandamna, hun hnuhnunga lang tura peih sa chu hmu turin, rinna avangin Pathian thiltihtheihnaa ven chu in ni (1 Pet 1:3-5) . 1.        Kan tunlai khawvel thlir chuan beidawnna tur a va tam tak em ti rawh u!!! Politics boruak thlir ila beisei tur a vang a ni. Ei bar zawnna kawngah ni se kum engzat nge sawhthing kan chin thlawn tawh. Eng dang nge beisei tur awm chuang? Lo neih min sawi chhiatsak a, mahse a thlakna tur kan hre bawk si lo. Chhungkuaah ni se kan fate nun danah hian kan lung a awi hlei thei lo va; mahse tih ngaihna tak tak kan hre chuang mang si lo. Khawtlang tana kan thawhna kawngah ni se... Rawngbawlna zawnah ni se... Camping, mi hl...
Read more

Sermon - A HEART OF PRAISE

  A HEART OF PRAISE Rejoice in the Lord always; again I will say, Rejoice.   Let your gentleness be known to everyone. The Lord is near.    Do not be anxious about anything, but in everything by prayer and supplication with thanksgiving let your requests be made known to God.    And the peace of God, which surpasses all understanding, will guard your hearts and your minds in Christ Jesus. (Phil 4:4-7) About midnight Paul and Silas were praying and singing hymns to God, and the prisoners were listening to them. Suddenly there was an earthquake so violent that the foundations of the prison were shaken, and immediately all the doors were opened and everyone’s chains were unfastened. (Acts 16:25-27). When we look at the world around us, we are often overwhelmed by bad news. Political unrest in Myanmar, Palestine, Ukraine, Manipur, and the South China Sea region of the Philippines, along with reports of rape, homicides, landslides, and floods, we...
Read more

A short study on R.L. Kamlala as a composer of Mizo Christian Hymns. I. Introduction[1]:

A short study on R.L. Kamlala as a composer of Mizo Christian Hymns. I.   Introduction [1] : Mizo literature as a product of a contact with the Christian world since the British rule [2]  has come a long way to be recognised as a fast evolving literature. This is made possible by the hard works of the missionaries, followed by the first generation English educated Mizo Christians, and with due recognition and incentives provided by the state. With the coming of the gospel in the hills, the first two missionaries translated and re-composed a few Christian hymns/songs from 1894 onwards [3] . Not being content with the translated hymns of the western composers, many gifted Mizo poets like R. L. Kamlala and others came up with songs written in their own idioms and in tune with their own indigenous ethos and conception of Christianity. Such songs of worship are called Lengkhawm Zai and are sung in the traditional Mizo way with a drum. In style and profundity these songs are...
Read more